Komiteti i zgjedhur për vitin 2020-2021

Të dielen me datë 23 Gusht 2020 VLERA organizoi zgjedhjet për kryesinë e re të organizatës për periudhën 2020-2021.

Në këtë ngjarje u prezantua raporti vjetor për periudhën 2018-2019, raporti financiar, aktivitetet që u realizuan gjatë vitit, për të vazhduar pastaj me zgjedhjen e kryesisë së re. Rreth 16 studentë ishin prezent këtë ditë që vinin nga vendet të ndryshme te Belgjikes ( Liege, Brugge, Namur, Gent, Antwerpen si dhe Bruksel ).

Studentët që kandiduan dhe u përzgjodhen për postet e caktuara në organizatën studentore VLERA janë:

Një falenderim të veçantë për Kryesinë e deritanishme të Vlerës për punë e palodhshme dhe të shkëlqyer gjatë mandatit të tyre si dhe për organizmin e këtyre zgjedhjeve demokratike dhe transparente.

Kryesisë së sapozgjedhur i dëshirojme një vit të mbarë dhe me shpresën që do kemi një numër të madh të aktiviteteve dhe iniciativave.

Gjithë të mirat,
KRYESIA

VLERA
Organizata e studentëve shqiptarë në Belgjikë

Zgjedhjet: Komiteti 2020-2021

🗳Zgjedhjeve🗳

Të dashur studentë,

Me date 23 Gusht në oren 12.00, do të mbahen përmes Zoom (duke marrë parasysh rrethanat aktuale), zgjedhjet për komitetin 2020/2021.

Organizata jonë nuk mund të lulëzojë pa anëtarë të përkushtuar dhe të pasionuar për promovimin e kultures shqiptare. Nëse dëshironi të filloni një aventurë të re në një ekip të shkëlqyeshëm, atëherë na dërgoni kandidaturen tuaj para datës 19 gusht, ora 23.59 në adresën mail: gkeljmen@gmail.com dhe denajda-bajraktari@outlook.com.

Aplikimi duhet të jetë në Shqip dhe të përmbajë mbiemrin, emrin, studimin, pozicionin për t’u promovuar dhe pse dëshironi të përfshiheni në shoqatë. Dhe për ty që dëshiron të përfshihesh në shoqatë por që akoma nuk ndihesh të gatshëm për komitetin, mundesh të angazhosh si anëtar aktiv.

Gjatë këtij takimi, do të prezantohet gjithashtu një përmbledhje e vitit 2019/2020. Dokush që dëshiron të marrë pjesë mund të dërgojë një mail në adresën tonë (gkeljmen@gmail.com dhe denajda-bajraktari@outlook.com) pas së cilës një lidhje Zoom do komunikohet.

Vendet vakante janë:

Kryetar (e)

Nënkryetar(e)

Arkëtar(e)

Sekretar(e)

Kordinator (e) i qyteteve (Bruksel, Antwerpen, Gent, Namur, Liège, Louvain-la-Neuve…)

Organizator eventesh/ Event manager Social/ Media manager/ Web designer

Me kënaqësinë t’ju takojmë së shpejti!

VLERA

Organizata e studentëve shqiptarë në Belgjikë

Feedback: “20 vjet pasi qe mbaroj Lufta çlirimtare e Kosovës”

Me datën 24 Shkurt, kemi organizuar një projektim i ndjekur me një bashkëbisedim, mbi temën e luftës çlirimtare të Kosovës.

Kemi diskutuar me studentët e shumtë të pranishëm, se çfarë ka ndodhur 20 vjet më parë! Rrjedhojë e diskutimeve të shumta, lindën pyetje shumë të rëndësishme:

Çfarë ka ndryshuar në Kosovë pas luftës? Si kanë vepru dhe po veprojnë qeveritë e Kosovës në këtë periudhë të tranzicionit, mbas shtetformimit?Çfarë inisiativash themelore po ndërmarrin në shërbim të konsolidimit të demokracisë, dhe rritjes së mirëqënies së shtetit më të ri? Qasja e diasporës, dhe përfshirja e saj në strukturat organizative të qeverisjes? Thithja e investitorëve potencial, plani zhvillues i qeverive tona deri tani?

Këto dhe shumë pyetje të tjera, u debatuan mes të pranishmëve duke propozuar dhe solucionet përkatëse.

Të mërkurën me 27 Shkurt, patëm privilegjin që të priteshim në një takim pune, nga Ambasadori i Republikës së Kosovës Shkëlqesia e Tij, z. Bernard Nikaj.

Ky aktivitet ishte pjesë e agjendës tonë të aktiviteteve mbi 20 vjetorin e luftës çlirimtare nga thundra serbe në Kosovë.

Diskutuam mbi situatën e tanishme në Kosovë, progresin e saj, si dhe sfidat në të ardhmen. Gjithashtu diskutuam edhe mbi rolin që ka dhe duhet të luaj rinia nga diaspora, si një faktor kyç zhvillimi e prosperiteti në shtetin e Kosovës.

Diskutimi u gjallërua nga pyetjet e ndryshme që preknin më së shumti ekonominë dhe politikën, shoqërinë dhe identitetin kombëtar shqiptar.

Dëshirojmë të falënderojmë përzemërisht Z. Ambasador që na priti me shumë mirësjellje, duke na sqaruar për çështje të ndryshme. Gjithashtu falenderojmë edhe ekipin e tij simpatik që na pritën me aq ngrohtësi.

Dëshirojmë gjithashtu të falënderojmë gjithë personat që na shoqëruan në këtë reflektim, ndërhyrjet tuaja bënë të mundur ndërtimin e një diskutimi të pasur dhe interesant.

Ju falenderojmë përzemërsisht për pjesëmarrjen tuaj, shqetësimet që parashtruat, idetë tuaja për progresivitetin e tematikës, dhe shpresojmë që së bashku të japim një shtysë drejt konsolidimit të Kosovës!

Shpresojmë t’ju shohim më të shumtë në aktivitetet e ardhshme së shpejti…!

Vlera

Organizata e studentëve shqiptarë në Belgjikë

Një javë e dedikuar për Pavarësin e Kosovës: “20 vjet pasi qe mbaroj Lufta çlirimtare e Kosovës”

17 Shkurti po afrohet… Kjo datë shënoj shpalljen e pavaresisë së Republikës së Kosovës 12 vjet më parë.

Për të kuptuar situatën e saj të mëparshme, deshirojmë të kthehemi në periudhën e luftës e cila u zhvillua midis viteve 1998-1999.

Për këtë rast do të organizojmë disa aktivitete në javët në vijim.

Me daten 24 Shkurt do vijojmë me një shfaqje të filmave me metrazh të shkurter që fokusohen në këtë periudhë.

Sigurisht, pas shikimit të këtyre filmave, do te diskutojme se bashku dhe do të ndajmë opinionet tona.

Të mërkurën me 27 Shkurt, do ta organizojm një takim me Ambasadori e Republikës së Kosovës Shkëlqesia e Tij, z. Bernard Nikaj.

Keto aktivitete do jan pjesë e agjendës tonë të aktiviteteve mbi 20 vjetorin e luftës çlirimtare nga thundra serbe në Kosovë.

VLERA

Organizata e studentëve shqiptar në Belgjikë

Bashkpunimi me “Comité Diplomatique”

Ne jemi shumë të lumtur të njoftojmë bashkëpunimin midis Comité Diplomatique dhe VLERA.

Comité Diplomatique është i themeluar në Bruksel në të cilën bëjnë pjesë një grumbull studentësh të universitetit që janë të interesuar në botën diplomatike dhe çështjet ndërkombëtare.

VLERA dëshiron të zgjerojë marrëdhëniet e saj me organizatat e tjera studentore që kanë prejardhje të ndryshme.

Shpresojmë që ky bashkëpunim të jetë i pari në një seri të gjatë bashkëpunimesh!

VLERA

Organizata e Studenteve Shqiptare ne Belgjike.